Māʻoniʻoní, Kau Vakai foki ki he Kalisitiané, Kau; Siasi ʻo Sīsū Kalaisí; Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní Ko ha mēmipa tui faivelenga ia ʻo e Siasi ʻo Sīsū Kalaisí. Tānaki fakataha kiate au ʻeku kakai māʻoniʻoní, Same 50:5. Naʻe fai ʻe Saula ʻa e kovi lahi ki he Kāingalotu ʻi Selūsalemá, Ngāue 9:1–21. Naʻe haʻu foki ʻa Pita ki he kau lotu naʻe nofo ʻi Litiá, Ngāue 9:32. Ke ʻiate kimoutolu ʻoku ʻi Loma kuo ui ke māʻoniʻoní ʻa e ʻaloʻofa mo e monūʻia, Loma 1:7. Ko e kaungā-kolo ʻa kimoutolu mo e kau māʻoniʻoní, ʻEfesō 2:19–21. Naʻá ku vakai ki he siasi ʻo e Lamí, ʻa ia ko e kau māʻoniʻoni ʻa e ʻOtuá, 1 Nīfai 14:12. Ko e tangata fakakakano ko e fili ia ki he ʻOtuá kae ʻoua ke ne hoko ko ha tokotaha māʻoniʻoni ʻi he fakalelei ʻa Kalaisi, Mōsaia 3:19. Ko au, ko e ʻEikí, naʻá ku tāpuakiʻi ʻa e kelekelé koeʻuhí ke fakaʻaongaʻi ʻe heʻeku kau māʻoniʻoní, T&F 61:17. ʻOku tauʻi ʻe Sētane ʻa e kau māʻoniʻoni ʻa e ʻOtuá, T&F 76:28–29. Ngāue faivelenga ke teuteuʻi ʻa e kau māʻoniʻoní ki he houa ʻo e fakamaau ʻa ia ʻe hoko maí, T&F 88:84–85. ʻOku totonu mo e kau māʻoniʻoní ke nau foaki ʻenau ngaahi koloá ki he masivá mo e faingataʻaʻia, T&F 105:3. Kuó u foaki ʻa e ngaahi lakanga ʻi ʻolunga ní ki he fai ʻo e ngāue ʻa e ngāue fakafaifekaú pea mo hono fakahaohaoaʻi ʻo ʻeku kau māʻoniʻoní, T&F 124:143 (ʻEfesō 4:12).