Lote

Ko e foha ia ʻo Hālani mo e ʻilamutu ʻo ʻĒpalahame ʻi he Fuakava Motuʻá (Sēnesi 11:27, 31; ʻĒpa. 2:4). Naʻe mate ʻa Hālani tupu ʻi he honge naʻe tō ʻi ʻUá (ʻĒpa. 2:1). Naʻe ʻalu atu ʻa Lote mei ʻUa mo ʻĒpalahame mo Sela ʻo ne fononga mo kinaua ki Kēnani (Sēnesi 12:4–5). Naʻe fili ʻa Lote ke ne nofo ʻi Sōtoma. Naʻe fekau atu ʻe he ʻEikí ha kau talafekau ke fai ha fakatokanga kia Lote ke ne hola mei Sōtoma ki muʻa ʻoku teʻeki fakaʻauha ia ʻe he ʻEikí koeʻuhi ko e fai angahala ʻa e kakaí (Sēnesi 13:8–13; 19:1, 13, 15); neongo iá, naʻe toe sio ki mui ʻa e uaifi ʻo Loté ki he fakaʻauhá peá ne hoko ai ko ha pou māsima (Sēnesi 19:26). ʻOku ʻi ai ha ngaahi konga ʻi he Fuakava Foʻoú ʻoku lave kia Lote (Luke 17:29; 2 Pita 2:6–7). ʻOku fakamatalaʻi ʻi he Sēnesi vahe 13, 14, mo e 19 ʻa ʻene moʻui hili ʻene mavahe meia ʻĒpalahamé.