ʻOku fakataumuʻa ʻa hono kakato ʻo e ongoongolelei ʻa Sīsū Kalaisí ki hono fakahoko ʻo e moʻui taʻe-faʻa-mate mo e moʻui taʻengata ʻa e tangatá. ʻOku kau ki ai ʻa e Fakatupú, Hingá, mo e Fakaleleí, fakataha mo e ngaahi fono, ngaahi ouau, mo e ngaahi tokāteline kotoa pē kuo foaki mai ʻe he ʻOtuá. ʻOku hanga ʻe he palani ko ʻení ʻo fakaʻatā ʻa e kakai kotoa pē ke nau maʻu ʻa e hakeakiʻí pea moʻui ʻo taʻengata fakataha mo e ʻOtuá (2 Nīfai 2, 9). ʻOku toe ui foki ʻi he folofolá ʻa e palani ko ʻení ko e palani ʻo e fakamoʻuí, ko e palani ʻo e fiefiá pea mo e palani ʻo e ʻaloʻofá.