Hōsaná

Ko ha foʻi lea mei he lea faka-Hepeluú ʻa ia ko hono ʻuhingá ko e “fakamolemole ʻo fakamoʻui ʻa kimautolu” pea ʻoku ngāue ʻaki ia ki he fakafetaʻi mo e lotu.

ʻI he Kātoanga ʻo e Ngaahi Fale Fehikitakí, ʻa ia naʻe fakahoko ʻi hono fakahaofi ʻe he ʻEikí ʻa ʻIsileli ʻo ʻomi ki he fonua ʻo e talaʻofá, naʻe kalanga ʻaki ʻe he kakaí ʻa e ngaahi lea ʻo e Same vahe 118 pea nau taʻataʻalo ʻenau ngaahi vaʻa pāmé. ʻI he hāʻele mai ʻa e ʻEiki ki Selūsalema kuó ne ikuná, naʻe kalanga ʻa e fuʻu kakaí “Hōsana” pea nau fola ʻa e ngaahi vaʻa pāmé ke fononga atu ai ʻa e ʻEikí ʻi he ʻasí, ʻo nau fakahā ai ʻenau ʻiloʻi ko Sīsū ʻa e ʻEiki ko ia naʻá ne fakahaofi ʻa ʻIsileli ʻi he kuonga muʻá (Same 118:25–26; Mātiu 21:9, 15; Maʻake 11:9–10; Sione 12:13). Naʻe ʻiloʻi ʻe he kakai ko ʻení ko Kalaisi ʻa e Mīsaia naʻa nau tatali fuoloa ki aí. Kuo hoko ʻa e foʻi lea Hōsaná ko hano fakamanatu ia ʻo e Mīsaiá ʻi he ngaahi kuonga kotoa pē (1 Nīfai 11:6; 3 Nīfai 11:14–17). Naʻe fakakau ʻa e kalanga hōsaná ʻi hono fakatapui ʻo e Temipale Ketilaní (T&F 109:79), pea ʻoku hoko ia he taimí ni ko ha konga ʻo e fakatapui ʻo e ngaahi temipale ʻo e onopōní.