Ke ngaohi ke angamalū mo akoʻingofua, pe ko e tuʻunga ʻo e angamalū mo e akoʻingofua. ʻOku kau ʻi he loto-fakatōkilaló ʻa hono ʻiloʻi ʻetau fakafalala ki he ʻOtuá mo ʻetau holi ke tau fakavaivaiʻi ʻa kitautolu ki hono finangaló.
Naʻe tataki koe ʻe Sihova ʻi he taʻu ʻe fāngofulú ni ʻi he toafá ke fakaangavaivaiʻi koe, Teut. 8:2 .
Naʻá ku fakavaivaiʻi hoku laumālié ʻi he ʻaukai, Same 35:13 .
ʻOku lelei hake ʻa e tamasiʻi ʻoku masiva mo potó ʻi ha tuʻi ʻoku motuʻa kae vale, Tngt. 4:13 .
ʻOku ʻafio ʻa e ʻOtuá mo ia ʻoku angavaivaí, ʻĪsaia 57:15 .
ʻOku fie maʻu ʻa e loto-fakatōkilaló ki he papitaisó, T&F 20:37 .
Fakavaivaiʻi ʻa kimoutolu ʻi hoku ʻaó, pea te mou mamata kiate au ʻo ʻilo ʻoku ou moʻui, T&F 67:10 .
Ke ke loto-fakatōkilalo; pea ʻe foaki atu ʻe he ʻEiki ko ho ʻOtuá kiate koe ʻa e tali ki hoʻo ngaahi lotú, T&F 112:10 .
Tuku ia ʻoku valé ke ne ako ʻa e potó ʻi heʻene fakavaivaiʻi ia, T&F 136:32 .
Kuo fekauʻi atu ʻa e Laumālié ke fakamaama ʻa e loto-fakatōkilaló, T&F 136:33 .