Ko hono fakamavaheʻi ia ʻo e sinó mo e laumālié. Naʻe hanga ʻe he Hingá ʻo ʻomi ʻa e moʻui fakamatelié mo e maté ki he māmaní (2 Nīfai 2:22; Mōsese 6:48). Naʻe hanga ʻe he fakalelei ʻa Sīsū Kalaisí ʻo ikunaʻi ʻa e maté koeʻuhí kae lava ʻe he kakai kotoa pē ʻo toe tuʻu (1 Kol. 15:21–23). Ko e toetuʻú ko ha meʻaʻofa taʻetotongi ia ki he kakai kotoa pē ʻo tatau ai pē pe naʻa nau failelei pe faikovi ʻi he moʻui ko ʻení pe ʻikai (ʻAlamā 11:42–44). ʻOku tuʻo taha pē ʻa e hoko mai ʻa e mate fakasinó ki he tokotaha kotoa pē, koeʻuhí he ko e taimi pē ʻoku tau toe tuʻu aí, ʻe ʻikai toe mate ʻa hotau sinó (ʻAlamā 11:45).