Lakanga Fakataulaʻeikí

Ko e mafai mo e mālohi ʻoku foaki mai ʻe he ʻOtuá ki he tangatá ke ngāue ʻi he ngaahi meʻa kotoa pē ki hono fakamoʻui ʻo e tangatá (T&F 50:26–27). ʻOku fokotuʻutuʻu ʻa e kāingalotu tangata ʻo e Siasí ʻa ia ʻoku nau maʻu ʻa e lakanga fakataulaʻeikí ki ha ngaahi kōlomu pea ʻoku fakamafaiʻi ʻa kinautolu ke nau fakahoko ʻa e ngaahi ouau mo e ngaahi fatongia fakatakimuʻa ʻe niʻihi ʻi he Siasí.

Te u fakahā kiate kimoutolu ʻa e Lakanga Fakataulaʻeikí, ʻi he nima ʻo ʻIlaisiā ko e palōfitá, T&F 2:1 (SS—H 1:38).
Naʻe fakamaʻu ʻe he ʻEikí ha lakanga fakataulaʻeiki foki kia ʻĒlone mo hono hakó, T&F 84:18.
Ko e lakanga fakataulaʻeiki lahi angé ʻokú ne puleʻi ʻa e ongoongoleleí, T&F 84:19.
Naʻá ne toʻo atu ai ʻa Mōsese mei honau lotolotongá, pea mo e Lakanga Fakataulaʻeiki Toputapú, T&F 84:25.
Ko hono fakamatalaʻi ʻo e fakapapau mo e fuakava ʻo e lakanga fakataulaʻeikí, T&F 84:33–42.
Kuo hokohoko atu ai ʻa e lakanga fakataulaʻeikí ʻiate kimoutolu ʻi he hohoko ʻo hoʻomou ngaahi tamaí, T&F 86:8.
ʻOku ʻi he siasí ʻa e ongo lakanga fakataulaʻeiki ʻe ua, T&F 107:1.
Ko e ʻuluakí ko e Lakanga Taulaʻeiki Faka-Melekisētekí ʻo fakatatau ki he Lakanga Fakataulaʻeiki Toputapu ʻi he Lakanga ʻo e ʻAlo ʻo e ʻOtuá, T&F 107:2–4.
Ko e ngaahi totonu ʻo e lakanga fakataulaʻeikí kuo fakamaʻu taʻelava ke veteki ki he ngaahi mālohi ʻo e langí, T&F 121:36.
ʻOku ʻikai lava, pe ʻoku ʻikai totonu, ke ngāueʻaki ha mālohi pe ivi ʻi he mafai ʻo e lakanga fakataulaʻeikí, T&F 121:41.
ʻOku ʻatā ke maʻu ʻa e lakanga fakataulaʻeikí ʻe he kāingalotu tangata kotoa pē ʻoku taau mo feʻungá, T&F FFkm—2.