Afí Vakai foki ki he Heli; Laumālie Māʻoniʻoní; Māmaní—Ko hono fakamaʻa ʻo e māmaní; Papitaisó Ko ha fakaʻilonga ia ʻo e fakamaʻa, fakahaohaoaʻi, pe fakamāʻoniʻoniʻi. ʻOku toe lava foki ke hoko ʻa e afí ko ha fakaʻilonga ʻo e ʻafio ʻa e ʻOtuá ʻi ha feituʻu. Ko ho ʻOtuá ko e afi fakaʻauha, Teut. 4:24. ʻOku ngaohi ʻe he ʻEikí ʻene kau faifekaú ko e afi ʻoku ulo, Same 104:4. ʻE ʻaʻahi kiate kinautolu ʻa Sihova ʻo e ngaahi kau taú ʻaki ʻa e ulo ʻo e afi fakaʻauha, ʻĪsaia 29:6 (2 Nīfai 27:2). ʻOkú ne hangē ko e afi ʻo ia ʻoku fakamaʻa ukameá, Malakai 3:2 (3 Nīfai 24:2; T&F 128:24). ʻE papitaiso ʻe ia ʻa kimoutolu ʻaki ʻa e Laumālie Māʻoniʻoní mo e afi, Mātiu 3:11 (Luke 3:16). ʻE fakahaofi ʻa e kau māʻoniʻoní ʻaki ʻa e afi, 1 Nīfai 22:17. ʻE fakaʻauha ʻa e kau fai angahalá ʻaki ʻa e afi, 2 Nīfai 30:10. ʻOku fakamatala ʻa Nīfai ki he anga ʻo ʻetau maʻu ʻa e papitaiso ʻo e afi mo e Laumālie Māʻoniʻoní, 2 Nīfai 31:13–14 (3 Nīfai 9:20; 12:1; 19:13; ʻEta 12:14; T&F 33:11). Ke ke fakahā ʻa e fakamolemole ʻo e ngaahi angahalá ʻi he papitaisó, pea ʻi he afí, T&F 19:31. Ko e fuʻu siasi lahi mo fakalieliá, ʻe tulaki ia ki lalo ʻaki ʻa e afi fakaʻauha, T&F 29:21. ʻE mole atu ʻa e māmaní ʻo hangē ko e fai ia ʻaki ʻa e afi, T&F 43:32. ʻE hangē ʻa e ʻao ʻo e ʻEikí, ko e afi ʻoku ngaohi ʻa e ngaahi vaí ke lilí, T&F 133:41. Naʻe papitaiso ʻa ʻĀtama ʻaki ʻa e afi, pea mo e Laumālie Māʻoniʻoni, Mōsese 6:66.