Manase
Ko e foha lahi taha ia ʻo ʻAsinate mo Siosefa naʻe fakatau ki ʻIsipité ʻi he Fuakava Motuʻá (Sēnesi 41:50–51). Ko ia mo ʻIfalemí ko e ongo makapuna ia ʻo Sēkope (ʻIsileli) ka naʻe ohi ʻa kinaua pea ne tāpuakiʻi ʻo hangē pē ko hano ongo foha totonú (Sēnesi 48:1–20).
Ko e faʻahinga ʻo Manasé
Ko e ngaahi hako ʻo Manasé naʻe lau fakataha ʻa kinautolu mo e ngaahi faʻahinga ʻo ʻIsilelí (Nōmipa 1:34–35; Siosiua 13:29–31). ʻOku tohi ʻi he tohi Teutalōnome 33:13–17 ʻa e ngaahi tāpuaki naʻe tuku ʻe Mōsese ki he faʻahinga ʻo Siosefá, ʻa ia naʻe toe tuku foki kia ʻIfalemi mo Manasé. Naʻe tuʻu ʻa e potu fonua naʻe tuku kiate kinautolú ki he fakahihifo ʻo Soataní pea ofi pē kia ʻIfalemi. Naʻe toe ʻi ai foki mo honau ngaahi nofoʻanga ʻi he fakahahake ʻo Soataní ʻi he feituʻu toafa musie maʻuiʻui ʻo Pasaní mo Kiliatí. ʻE tokoni ʻa e faʻahinga ʻo Manasé ʻi he ngaahi ʻaho fakaʻosí ki he faʻahinga ʻo ʻIfalemí ʻi hono tānaki mai ʻo ʻIsileli kuo fakamoveteveteʻí (Teut. 33:13–17). Ko e hako ʻo Manase ʻa Līhai ko e palōfita ʻi he Tohi ʻa Molomoná (ʻAlamā 10:3).