Ko e ʻilo mo ha fakamoʻoni fakalaumālie ia ʻoku fai mai ʻe he Laumālie Māʻoniʻoní. ʻOku lava ke hoko ʻa e fakamoʻoní ko hano fakahā fakamafaiʻi pe fakalao ia ʻo e meʻa ʻoku ʻiloʻi ʻe ha taha ʻoku moʻoni (T&F 102:26 ).
Ko ha lea pe ha faʻahinga meʻa kehe ʻokú ne fakamoʻoniʻi ʻoku moʻoni ha meʻa; ko ha fakamatala fakamoʻoni. ʻOku toe lava ke hoko foki ʻa e fakamoʻoní ko ha tangata ʻa ia naʻá ne fai ha faʻahinga fakamatala pe ʻomi ha meʻa ke fakamahinoʻi ʻaki ha meʻa ʻa ia ʻoku makatuʻunga ʻi heʻene ʻilo fakafoʻituituí; ko e tokotaha foki ia ʻokú ne fai ʻa e fakamoʻoní.
ʻE malanga ʻaki ʻa e ongoongoleleí ki he māmaní kotoa pē, ko e meʻa fakamoʻoni, Mātiu 24:14 (SS—M 1:31 ).
Te mou hoko ko ʻeku kau fakamoʻoni, Ngāue 1:8 .
ʻOku fakamoʻoni ʻe he Laumālie pē ko iá mo hotau laumālié, Loma 8:16 (1 Sione 5:6 ).
ʻOua naʻá ke mā koe ki he fakamoʻoni ʻa hotau ʻEikí, 2 Tīm. 1:8 .
Ko e fakamoʻoni kia Sīsuú ko e laumālie ia ʻo e kikité, Fakahā 19:10 .
ʻOku mou loto ke tuʻu ko e kau fakamoʻoni ʻo e ʻOtuá ʻi he taimi kotoa pē, Mōsaia 18:8–9 .
Naʻe ʻikai te ne ʻilo ha founga te ne lava ai ʻo toe fakafoki mai ʻa kinautolu ka ʻi hono fakafepakiʻi ʻa kinautolu ʻaki ʻa e fakamoʻoni ʻoku haohaoá, ʻAlamā 4:19–20 .
ʻOku ou maʻu ʻa e meʻa kotoa pē ko ha fakamoʻoni ʻoku moʻoni ʻa e ngaahi meʻá ni, ʻAlamā 30:41–44 .
ʻOku tau maʻu ʻa e sākalamēnití ke fakamoʻoniʻi ki he tamaí te tau tauhi ʻa e ngaahi fekaú pea te tau manatu maʻu ai pē kia Sīsū, 3 Nīfai 18:10–11 (Molonai 4, 5 ; T&F 20:77–79 ).
ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí, ʻEta 12:6 .
ʻIkai naʻá ku lea ʻaki ʻa e fiemālie ki ho ʻatamaí ʻi he meʻá? Ko e hā mo ha toe fakamoʻoni lahi hake te ke lava ʻo maʻu ʻi ha fakamoʻoni mei he ʻOtuá? T&F 6:22–23 .
Lao ʻo e fakamoʻoní: ʻi he ngutu ʻo e fakamoʻoni ʻe toko ua pe toko tolu, ʻe fakamoʻoniʻi ʻa e folofola kotoa pē, T&F 6:28 (Teut. 17:6 ; Mātiu 18:16 ; 2 Kol. 13:1 ; ʻEta 5:4 ; T&F 128:3 ).
Naʻá ku fakanofo ai ʻa kimoua mo fakamaʻu ʻa kimoua ke hoko ko e ongo ʻAposetolo, mo e ongo fakamoʻoni makehe ki hoku hingoá, T&F 27:12 (T&F 107:23 ).
Pea ko ʻeni, hili ʻa e ngaahi fakamoʻoni lahi kuo fai ʻo kau kiate iá, ko e fakamoʻoni fakamuimui taha ʻeni, ʻa ia ʻokú ma fai ʻo kau kiate iá, T&F 76:22–24 .
Naʻá ku fekauʻi atu ʻa kimoutolú ke fakamoʻoni pea fakatokanga, T&F 88:81–82 .
ʻOku ui foki ʻa e Kau Fitungofulú ke hoko ko e kau fakamoʻoni makehe ki he kau Senitailé pea ʻi he māmaní kotoa, T&F 107:25 .
Tuku ke ʻi ai ha tokotaha tauhi lekooti, pea tuku ke ne mamata tonu ki hoʻomou ngaahi papitaisó, T&F 127:6 (T&F 128:2–4 ).
Kuo mate ʻeni ʻa e ongo tangata fakamoʻoní, pea ʻoku mālohi kakato ʻa ʻena fakamoʻoní, T&F 135:4–5 .
Naʻe mamata ʻa ʻĪnoke ki he kau ʻāngelo ʻoku fakamoʻoniʻi ʻa e Tamaí mo e ʻAló, Mōsese 7:27 .
Neongo naʻe fehiʻanekinaʻi mo fakatangaʻi au koeʻuhi ko ʻeku taukaveʻi kuó u mamata ki ha meʻa-hā-maí, ka naʻe moʻoni ia, SS—H 1:24–25 .