Taʻetuí Vakai foki ki he Tuí Taʻemaʻu ha tui ki he ʻOtuá mo ʻene ongoongoleleí. Naʻe ʻikai fai ʻe ia ha mana lahi ko e meʻa ʻi heʻenau taʻetuí, Mātiu 13:58. Naʻe ʻikai lava ʻe he kau ākonga ʻa Sīsuú ʻo kapusi ʻa e kau tēvoló ko e meʻa ʻi heʻenau taʻetuí, Mātiu 17:14–21. Tokoniʻi au telia ʻeku taʻetuí, Maʻake 9:23–24. Naʻe valokiʻi ʻe Sīsū ʻene kau ʻAposetoló koeʻuhi ko ʻenau taʻetuí mo ʻenau loto-fefeká, Maʻake 16:14. ʻE fakataʻeʻaongaʻi ʻe he taʻetuí ʻa e moʻoni ʻa e ʻOtuá, Loma 3:3. ʻOku lelei ange ʻa e mate ʻa e tangata ʻe toko tahá ʻi he fakaʻauʻauhifo mo e mole ʻa ha puleʻanga ʻi he taʻetuí, 1 Nīfai 4:13. ʻO ka hokosia ʻa e taimi te nau fakaʻauʻauhifo ai ʻi he taʻetui te ne tuku ke fakamovetevetea mo tāmateʻi ʻa kinautolu, 2 Nīfai 1:10–11 (T&F 3:18). Koeʻuhi ko ʻenau taʻetuí naʻe ʻikai faʻa mahino kiate kinautolu ʻa e folofola ʻa e ʻOtuá, Mōsaia 26:1–5. Naʻe ʻikai te u lava ʻo fakahā ki he kau Siú ha ngaahi mana lalahi pehē, koeʻuhi ko ʻenau taʻetuí, 3 Nīfai 19:35. Kuo fakapoʻuliʻi ʻa homou ʻatamaí ʻi he ngaahi taimi kuo hilí koeʻuhi ko e taʻetuí, T&F 84:54–58.