Uelofeá Vakai foki ki he Foakí; Foaki ʻOfá; Masivá; Ngāué, Ngāue-ʻofá; ʻAukaí Ko e founga mo e anga hono tokangaʻi ʻo e ngaahi fiemaʻu fakalaumālie mo fakatuʻasino ʻa e kakaí. Ke mafola ho nimá ʻo lahi ki ho tokouá ki he masivá, mo ia ʻoku tuʻutāmaki ʻi ho fonuá, Teut. 15:11. Ko ia ia ʻoku faʻa foaki ki he masivá ʻe ʻikai masiva ia, LFkt. 28:27. ʻIkai ko ʻeni ʻa e ʻaukai kuó u filí? ke tufaki hoʻo maá ki he fiekaiá, ke ʻomi ʻa e masivá ki ho falé, ʻĪsaia 58:6–7. Naʻá ku fiekaia, pea naʻa mou foaki ʻa e meʻakai kiate au: ko e muli au, pea naʻa mou fakaafeʻi au: Ko e meʻa ʻi hoʻomou fai ia ki ha taha ʻoku kihiʻi siʻi hifo ʻi hoku kāinga ní, ko hoʻomou fai ia kiate aú, Mātiu 25:35–40. Foaki mei hoʻomou koloá kiate kinautolu ʻoku nau fie maʻu ha tokoní, Mōsaia 4:16–26. Naʻa nau fefoakiʻaki ʻa e meʻa fakatuʻasino mo e meʻa fakalaumālie fakatouʻosi, ʻo fakatatau ki he ngaahi meʻa naʻa nau masiva ai mo fie maʻú, Mōsaia 18:29. Naʻe fekau ke nau kau fakataha ʻi he ʻaukai pea mo e lotu lahi koeʻuhi ko e lelei ʻa kinautolu ʻa ia naʻe ʻikai ʻiloʻi ʻa e ʻOtuá, ʻAlamā 6:6. Lotu, koeʻuhi ko hoʻomou leleí, pea mo e lelei foki ʻanautolu ʻoku ʻiate kimoutolú, ʻAlamā 34:27–28. Naʻa nau meʻa taha ʻaki ʻenau ngaahi meʻa kotoa pē, 4 Nīfai 1:3. Manatuʻi ʻa e masivá, T&F 42:30–31. ʻAʻahi ki he masivá mo e faingataʻaʻiá, T&F 44:6. Manatuʻi ʻi he meʻa kotoa pē ʻa e masivá mo e faingataʻaʻiá, T&F 52:40. ʻE malaʻia ʻa kimoutolu ʻa e kau tangata koloaʻiá, ʻa ia ʻoku ʻikai ke fie foaki hoʻomou ngaahi koloa ki he masivá, pea ʻe malaʻia ʻa kimoutolu ʻa e kakai masiva, ʻa ia ʻoku ʻikai ke fiemālie ʻa homou keté, pea ʻoku mou mānumanu, pea ʻoku ʻikai te mou fie ngāue, T&F 56:16–17. Naʻe ʻikai ha kakai masiva ʻi Saione, Mōsese 7:18.