ʻĀmosi
Ko ha palōfita ʻi he Fuakava Motuʻá ʻa ia naʻá ne kikite ʻi he taʻu 792 ki he 740 K.M. nai ʻi he ngaahi ʻaho ʻo ʻUsaia, ko e tuʻi ʻo Siutá, mo Selopoame, ko e tuʻi ʻo ʻIsilelí.
Ko e tohi ʻa ʻĀmosí
Ko ha tohi ʻi he Fuakava Motuʻá. Naʻe fakatokanga ha konga lahi ʻo e ngaahi kikite ʻa ʻĀmosí ki ʻIsileli mo hono ngaahi puleʻanga kaungāʻapí ke nau foki ki he māʻoniʻoní.
ʻOku ui ʻa e vahe 1–5 ki ʻIsileli mo hono ngaahi puleʻanga kaungāʻapí ke nau fakatomala. ʻOku fakamatala ʻa e vahe 3 ki he fakahā mai ʻe he ʻEikí ʻa ʻene ngaahi meʻa liló ki he kau palōfitá, pea ʻe tupu ʻi he maumau-fonó, ʻa hono fakaʻauha ʻo ʻIsileli ʻe hano fili. ʻOku kikite ʻa e vahe 6–8 ki he tō ʻa ʻIsileli ʻi he ngaahi taʻu lahi ki muʻa ʻi hono ʻohofi ʻa kinautolu ʻe he kau ʻAsiliá. ʻOku kikite ʻa e vahe 9 ʻe toe fakafoki ʻa ʻIsileli ki hono fonua ʻoʻoná.