Musika
Pe Galo ‘ea Afea?


133

Pe Galo ‘ea Afea?

Alofa

1. Pe galo ea afea, o lenei mea tigā?

Pe uma fa‘apefea, le faigatā?

O le masani nei, e le toe galo ai;

Ua faigatā na‘uā; uso e, tofā!

2. Ua toe tofia mai, oe la‘u manamea;

Ua ou tigāina ai, ae faia pea.

Talia le vala‘au; lou manuia lea,

E le toe galo oe; uso e, tofā!

3. Ia usita‘i oe, ma e tula‘i nei,

E ui i nei tigā, fai ua lelei.

O lo tatou Tamā, na te tausia oe;

Fa‘atali mai lugā; uso e, tofā!

4. Ia manuia oe; ia tausi mai lugā;

Ua manumalo oe; ua e aogā.

ia taunu‘u fa‘amoemoe, mo le a‘ai lenā;

E lē toe galo oe; uso e, tofā!

5. O le tete‘a nei, ua fai ma mea tigā,

E lē iloa mai, le faigatā.

E! Oute toe va‘ai, iā te oe lugā.

Ma ta toe fiafia ai; uso e, tofā!

Upu: K. Su‘a

Fati: Friedrich Kücken

I. Korinito 15:55–57

Ioane 16:22