Muaj ob yam neeg nyob saum ntuj uas hu ua tim tswv: cov uas yog ntsuj plig thiab cov uas muaj lub cev nqaij daim tawv thiab pob txha. Cov tim tswv uas yog ntsuj plig tseem tsis tau txais ib lub cev nqaij daim tawv thiab pob txha, los yog lawv yog ntsuj plig uas dhau los muaj ib lub cev uas txawj tuag thiab lawv tos ntsoov txoj kev sawv rov los. Cov tim tswv uas muaj cev nqaij daim tawv thiab pob txha, lawv twb tau sawv hauv qhov tuag rov qab los los sis lawv tau plhis.
Muaj ntau nqe vaj lug kub uas hais txog cov tim tswv tej hauj lwm. Tej lub sij hawm cov tim tswv hais lus zoo li lub suab xob quaj thaum lawv tshaj Vajtswv zaj xov (Mxy. 27:11–16). Qee zaus kuj muab cov neeg txawj tuag uas ncaj ncees hu ua tim tswv (JST, Chiv Keeb 19:15 [Cov Ntawv Ntxiv Tom Kawg]). Ib co tim tswv ua hauj lwm pab nyob ncig Vajtswv lub rooj theej kiab nyob saum ntuj (Amas 36:22).
Cov vaj lug kub kuj hais txog tus dab phem cov tim tswv. Cov no yog cov ntsuj plig uas coj raws li Luxifaws thiab raug ntiab tawm ntawm Vajtswv lub xub ntiag hauv lub neej ua ntej yug los thiab raug ntiab tawm mus rau lub ntiaj teb (Tsm. 12:1–9; 2 Nf. 9:9, 16; Q&K 29:36–37).