Levis

Yakhauj foom koob hmoov rau Levis thiab nws cov xeeb leej xeeb ntxwv (Chk. 49:5–7, 28). Levis cov xeeb leej xeeb ntxwv txhawb pab nyob hauv Ixayees tej tsev dawb huv (Tnp. 1:47–54). Aloos yog ib tug neeg Levis, thiab nws cov xeeb leej xeeb ntxwv yog cov pov thawj (Khd. 6:16–20; 28:1–4; 29). Cov Neeg Levis pab cov pov thawj, uas yog Aloos cov tub (Tnp. 3:5–10; 1 Vnt. 8:4). Qee zaus lawv yog cov ntaus paj nruas (1 Xvn. 15:16; Neh. 11:22); tua tsiaj txi pub rau Vajtswv (2 Xvn. 29:34; Exa. 6:20); thiab pab hauv lub tuam tsev (Neh. 11:16). Cov Neeg Levis rau siab ua hauj lwm rau tus Tswv kom ua tau cov kab ke rau Ixayees cov me nyuam. Aloos muab cov Neeg Levis fij rau Vajtswv sawv cev rau Ixayees cov me nyuam (Tnp. 8:11–22); li no lawv thiaj li hloov los ua Vajtswv tug, uas tau muab pub rau Nws kom theej thawj tug me nyuam (Tnp. 8:16). Tsis tau muab lawv fij tseg tiam sis twb muab lawv ntxuav huv rau lawv lub luag hauj lwm (Tnp. 8:7–16). Lawv tsis muaj av nyob hauv Kana-as ua qub txeeg qub teg (Tnp. 18:23–24), tiam sis lawv tau nyiaj ib feem kaum (Tnp. 18:21), plaub caug yim lub nroog (Tnp. 35:6), thiab muaj cai tau cov neeg tej nyiaj pab thaum lub caij noj tsiab (2 Kev. 12:18–19; 14:27–29).