Saib Tsis Taus Vajtswv

Hais lus saib tsis taus los yog hais lus thuam Vajtswv los sis thuam tej yam dawb ceev.

Cov Neeg Yudais liam Yexus ob peb zaug hais tias Nws hais lus saib tsis taus Vajtswv vim Nws hais tias Nws muaj cai zam neeg lub txim (Mat. 9:2–3; Luk. 5:20–21), vim Nws hu Nws tus kheej ua Vajtswv Leej Tub (Yhs. 10:22–36; 19:7), thiab vim Nws hais tias lawv yuav pom Nws zaum ntawm tus uas muaj hwj chim loj kawg nkaus sab tes xis thiab nrog huab nrog cua los saum ntuj los (Mat. 26:64–65). Tej uas lawv liam Nws yuav muaj tseeb yog tias Nws tsis yog raws li Nws hais. Cov neeg tim khawv cuav uas liam Nws nyob hauv rooj plaub ntawm Xahelees (Mat. 26:59–61) hais tias Nws saib tsis taus Vajtswv lub tuam tsev. Kev saib tsis taus tus Vaj Ntsuj Plig Dawb Huv, uas yog txhob txwm xyeej Khetos tom qab tau txais txoj kev paub zoo tag nrho txog Nws, yog txoj kev txhaum uas zam tsis tau (Mat. 12:31–32; Mak. 3:28–29; Q&K 132:27).