Yexus Khetos

Khetos (ib lo lus Kilis) thiab Mexiyas (ib lo lus Henplais) txhais tias “tus uas pleev roj rau.” Yexus Khetos yog Leej Txiv tus Tub Hlob ntawm sab ntsuj plig (Hen. 1:6; Q&K 93:21). Nws yog Leej Txiv Tib Leeg Tub ntawm sab cev nqaij daim tawv (Yhs. 1:14; 3:16). Nws yog Yehauvas (Q&K 110:3–4) thiab Vajtswv tau muab Nws tsa ua Nws txoj hauj lwm tseem ceeb ua ntej ntuj tsim teb raug. Raws li Leej Txiv txoj kev cob qhia, Yexus tsim lub ntiaj teb thiab txhua yam uas nyob haud (Yhs. 1:3, 14; Mauxes 1:31–33). Nws tau yug los rau Maivliag hauv Npelehees, ua neej tsis txhaum hlo li, thiab ua kev theej txhoj zoo tag nrho rau noob neej txhua tus tej kev txhaum los ntawm Nws txoj kev los ntshav thiab kev txo Nws txoj sia saum tus ntoo khaub lig (Mat. 2:1; 1 Nf. 11:13–33; 3 Nf. 27:13–16; Q&K 76:40–42). Nws tau sawv hauv qhov tuag rov qab los, li no noob neej txhua tus thiaj yuav sawv tau rov los thaum kawg. Los ntawm Yexus txoj Kev Theej Txhoj thiab Kev Sawv Rov Los, cov uas hloov siab lees txim rau lawv tej kev txhaum thiab ua raws li Vajtswv cov lus txib yuav nyob tau nrog Yexus thiab Leej Txiv nyob mus ib txhis (2 Nf. 9:10–12; 21–22; Q&K 76:50–53, 62).

Yexus Khetos yog tus tseem ceeb tshaj uas tau yug los rau hauv lub ntiaj teb no. Nws lub neej yog tus yam ntxwv uas zoo tag nrho rau noob neej sawv daws xyaum. Tej kev thov Vajtswv, tej koob hmoov, thiab tej kab ke ntawm lub pov thawj hwj yuav tsum ua los ntawm Nws lub npe. Nws yog cov tswv tus Tswv, cov vaj ntxwv tus Vaj Ntxwv, tus Tsim, tus Cawm Seej, thiab tus Vajtswv ntawm tag nrho lub ntiaj teb.

Yexus Khetos yuav rov qab los nrog hwj chim thiab yeeb koob, los kav lub ntiaj teb hauv lub caij Milenias. Thaum txog hnub kawg, Nws yuav txiav txim rau noob neej tag nrho (Amas 11:40–41; JS—M 1).

Cov ntsiab lus ntawm Nws lub neej (raws li tau tshwm sim)

Twb xub qhia txog Yexus kev yug thiab txoj ntiag tug hauj lwm ua ntej lawm, Luk. 1:26–38 (Yay. 7:14; 9:6–7; 1 Nf. 11).
Yug los, Luk. 2:1–7 (Mat. 1:18–25).
Ua kev cai txiav, Luk. 2:21.
Muab nws fij hauv lub tuam tsev, Luk. 2:22–38.
Cov neeg txawj ntse tuaj xyuas nws, Mat. 2:1–12.
Yauxej thiab Maivliag khiav nrog nws mus rau Iyiv, Mat. 2:13–18.
Coj nws mus rau Naxales, Mat. 2:19–23.
Mus xyuas lub tuam tsev thaum nws muaj hnub nyoog kaum ob xyoo, Luk. 2:41–50.
Muaj kwv tij thiab muam, Mat. 13:55–56 (Mak. 6:3).
Ua kev cai raus dej, Mat. 3:13–17 (Mak. 1:9–11; Luk. 3:21–22).
Tus dab phem sim ntxias nws, Mat. 4:1–11 (Mak. 1:12–13; Luk. 4:1–13).
Hu nws cov thwj tim, Mat. 4:18–22 (Mat. 9:9; Mak. 1:16–20; 2:13–14; Luk. 5:1–11, 27–28; 6:12–16; Yhs. 1:35–51).
Muab txoj cai rau Kaum Ob tug thwj tim, Mat. 10:1–4 (Mak. 3:13–19; Luk. 6:12–16).
Hais Zaj Lus Qhia Pem Roob, Mat. 5–7.
Qhia txog nws kev tuag thiab kev sawv rov los ua ntej lawm, Mat. 16:21 (Mat. 17:22–23; 20:17–19; Mak. 8:31; 9:30–32; 10:32–34; Luk. 9:22; 18:31–34).
Tau hloov hlo, Mat. 17:1–9 (Mak. 9:2–8; Luk. 9:28–36).
Txib pawg xya caum mus, Luk. 10:1–20.
Kev ua koob tsheej thaum nws nkag rau hauv Yeluxalees, Mat. 21:1–11 (Mak. 11:1–11; Luk. 19:29–40; Yhs. 12:12–15).
Txhim tsa lub cim nco txog, Mat. 26:26–29 (Mak. 14:22–25; Luk. 22:19–20).
Raug kev txom nyem thiab thov Vajtswv hauv Khexemanes, Mat. 26:36–46 (Mak. 14:32–42; Luk. 22:39–46).
Luag ntxeev siab rau nws, nws raug ntes, thiab raug muab tso tseg, Mat. 26:47–56 (Mak. 14:43–53; Luk. 22:47–54; Yhs. 18:2–13).
Raug ntsia saum ntoo khaub lig, Mat. 27:31–54 (Mak. 15:20–41; Luk. 23:26–28, 32–49; Yhs. 19:16–30).
Sawv rov los, Mat. 28:1–8 (Mak. 16:1–8; Luk. 24:1–12; Yhs. 20:1–10).
Tshwm sim tom qab nws sawv rov los, Mat. 28:9–20 (Mak. 16:9–18; Luk. 24:13–48; Yhs. 20:11–31; Teh. 1:3–8; 1 Klt. 15:5–8).
Nce mus rau saum ntuj, Mak. 16:19–20 (Luk. 24:51–53; Teh. 1:9–12).

Cov lus tim khawv txog Yexus Khetos

Khetos lub neej ua ntej yug los hauv ntiaj teb

Khetos tej cim

Anpees muab nws thawj cov me nyuam tsiaj fij tseg, Chk. 4:4 (Mauxes 5:20).
Coj koj tib leeg tub Ixaj, thiab muab nws tua txi, Chk. 22:1–13 (Yakhauj 4:5).
Tus Tswv txib Ixayees cov me nyuam kom txi tej me nyuam yaj uas tsis muaj qhov phem, Khd. 12:5, 21, 46 (Tnp. 9:12; Yhs. 1:29; 19:33; 1 Pet. 1:19; Tsm. 5:6).
Qhov no yog cov mov uas tus Tswv tau muab rau koj noj, Khd. 16:2–15 (Yhs. 6:51).
Ntaus lub pob zeb, thiab dej yuav tawm hauv los, xwv kom cov neeg yuav tau haus, Khd. 17:6 (Yhs. 4:6–14; 1 Klt. 10:1–4).
Tus tshis yuav ris tag nrho lawv tej kev ua phem, Lek. 16:20–22 (Yay. 53:11; Mxy. 14:11; 15:6–9).
Mauxes tsa ib tug nab tooj dag xwv kom cawm cov uas ntsia ntsoov nws, Tnp. 21:8–9 (Yhs. 3:14–15; Amas 33:19; Hlm. 8:14–15).
Yaunas nyob hauv tus ntses lub plab tau peb hnub, Yaunas 1:17 (Mat. 12:40).

Khetos tej kev tshwm sim los tom qab nws tuag thiab sawv rov los

Thaum Yexus sawv rov los, nws xub los tshwm sim rau Maivliag, Mak. 16:9 (Yhs. 20:11–18).
Yexus taug kev thiab sib tham nrog ob tug thwj tim ntawm txoj kev mus rau Ema-us, Luk. 24:13–34.
Yexus tshwm sim rau cov Thwj Tim, uas xuas nws tes thiab taw, Luk. 24:36–43 (Yhs. 20:19–20).
Yexus tshwm sim rau Thaumas, Yhs. 20:24–29.
Yexus tshwm sim rau cov thwj tim nram dej hiav txwv Tinpelias, Yhs. 21:1–14.
Yexus ua hauj lwm pab tau plaug caug hnub tom qab nws sawv rov los, Teh. 1:2–3.
Xatefanaus pom Yexus sawv ntsug ntawm Vajtswv sab tes xis, Teh. 7:55–56.
Yexus tshwm sim rau Xaulus, Teh. 9:1–8 (JST, Teh. 9:7; Teh. 26:9–17).
Ntau tshaj 500 tus tib neeg pom Khetos, 1 Klt. 15:3–8.

Khetos txoj kev kav thaum lub caij milenias

Ris Yexus Khetos lub npe rau peb

Ua pov thawj rau Leej Txiv tias nej txaus siab ris Khetos lub npe los ntawm txoj kev ua kev cai raus dej, 2 Nf. 31:13.
Kuv xav kom nej ris Khetos lub npe, Mxy. 5:6–12 (Mxy. 1:11).
Cov uas xav ris Khetos lub npe tau los koom Vajtswv lub Koom Txoos, Mxy. 25:23.
Txhua tus uas ntseeg Khetos tiag tiag ris Khetos lub npe, Amas 46:15.
Rooj ntug ceeb tsheej yeej qhib rau cov uas yuav ntseeg Yexus Khetos lub npe, Hlm. 3:28.
Tus uas rau siab ntseeg kuv lub npe thaum txog hnub kawg yuav tau koob hmoov, Ethaws 4:19.
Lawv txaus siab ris Leej Tub lub npe, Mln. 4:3 (Q&K 20:77).

Tej kev qhia tej uas yuav muaj los yav tom ntej txog Yexus Khetos txoj kev yug los thiab txoj kev tuag

Tus Thawj ntawm lub Koom Txoos

Tus txiav txim

Leej Txiv tsa Leej Tub ua tus txiav txim tag nrho, Yhs. 5:22.
Yog kuv txiav txim, kuv txoj kev txiav txim ncaj ncees, Yhs. 8:16.
Vajtswv tsa nws los ua tus Txiav Txim ntawm cov neeg uas muaj sia thiab cov neeg tuag, Teh. 10:42 (2 Tim. 4:1).
Vajtswv yuav txiav txim rau neeg tej lus zais ntsoov cia rau nruab siab los ntawm Yexus Khetos, Loos 2:16.
Peb txhua tus yeej yuav mus sawv ntawm Khetos lub rooj txiav txim, Loos 14:10 (2 Klt. 5:10; Amas 12:12; Mm. 3:20; 7:6; Ethaws 12:38; Q&K 135:5).

Txoj Cai

Yexus qhia li ib tug uas muaj txoj cai, Mat. 7:28–29 (Mak. 1:22).
Neeg Leej Tub muaj hwj chim hauv ntiaj teb kom zam txim rau neeg tej kev txhaum, Mat. 9:6.
Yexus txib cov ntsuj plig uas tsis huv nrog txoj cai thiab lawv mloog nws lus, Mak. 1:27 (Luk. 4:33–36).
Yexus tsa kaum ob tug kom muaj hwj chim, Mak. 3:14–15.
Yexus tej lus muaj hwj chim, Luk. 4:32.
Leej Txiv tau muab tag nrho kev txiav txim rau Leej Tub, Yhs. 5:22, 27.
Vajtswv pleev roj rau Yexus nrog tus Vaj Ntsuj Plig Dawb Huv thiab nrog hwj chim, Teh. 10:38.
Tau muab Khetos tsa los ua ntej ntuj tsim teb raug, 1 Pet. 1:20 (Ethaws 3:14).
Khetos muaj cov yawm sij ntawm ntuj txiag teb tsaus thiab ntawm kev tuag, Tsm. 1:18.

Yexus Khetos lub Yeeb Koob

Yexus Khetos tus yam ntxwv

Tsuas yog ib tug neeg coj raws li Vajtswv tus uas muaj txoj sia nyob Leej Tub tus yam ntxwv xwb, tsis li ntawd ces yuav cawm tsis tau tus ntawd dim, 2 Nf. 31:16.
Kuv xav kom nej ua neeg zoo tag nrho ib yam li kuv, 3 Nf. 12:48.
Nej yuav tsum nco ntsoov ua raws li no, ib yam li kuv tau ua, 3 Nf. 18:6.
Kuv tau ua ib tug yam ntxwv rau nej, 3 Nf. 18:16.
Tej hauj lwm uas nej tau pom kuv ua tej ntawd nej kuj yuav tsum ua thiab, 3 Nf. 27:21, 27.
Cov uas coj raws li Yexus Khetos tiag tiag yuav zoo li nws, Mln. 7:48.