Vajtswv cov lus txib los yog kev cai uas yog lub hauv paus ntawm tag nrho cov koob hmoov thiab kev rau txim nyob saum ntuj ceeb tsheej thiab nyob hauv lub ntiaj teb. Cov uas ua raws li Vajtswv tej kev cai txais cov koob hmoov uas tau cog lus tseg lawm. Tus Yaj Saub Joseph Smith qhia tias tib neeg kuj yuav tsum ua raws li, saib taus, thiab txhawb nqa tej kev cai ntawm lub teb chaws (TNKN 1:12).
Mauxes txoj kev cai yog ib txoj kev cai npaj cov txiv neej thiab cov poj niam los cuag Khetos. Yog ib txoj kev cai uas txwv tsis pub ua tej yam, tsa tej kev cai, thiab ua kab ke. Niaj hnub no Khetos txoj kev cai, uas ua kom muaj raws li Mauxes txoj kev cai tiav lawm, yog qhov txhij txhua ntawm txoj moo zoo los yog “txoj kev cai zoo tag nrho ntawm kev ywj pheej” (Yak. 1:25).