Chiv Keeb, Phau Qub

Phau Chiv Keeb yog thawj phau hauv Phau Qub thiab tus yaj saub Mauxes yog tus sau. Nws hais txog qhov pib ntawm ntau yam, xws li thaum tsim lub ntiaj teb, qhov uas muab tsiaj txhu thiab tib neeg tso rau hauv lub ntiaj teb, Adas thiab Evas txoj Kev Poob, qhov uas muab txoj moo zoo ua tshwm sim los rau Adas, qhov pib ntawm kev muaj tej haiv neeg thiab tej pab pawg, qhov pib muaj ntau yam lus sib txawv nyob hauv Npanpees, thiab qhov pib ntawm tsev neeg Anplaham uas los mus txhim tsa ua tsev neeg Ixayees. Yauxej txoj hauj lwm uas nws tshwj tsev neeg Ixayees tseg yog muab hais nyob rau hauv phau Chiv Keeb.

Tej kev tshwm sim hauv hnub nyoog kawg pom zoo thiab hais meej dua txog tej yam uas muaj los hauv phau Chiv Keeb (1 Nf. 5; Ethaws 1; Mauxes 1–8; Anpl. 1–5).

Hauv phau Chiv Keeb, tshooj 1–4 hais txog ntuj tsim teb raug thiab tsev neeg Adas txoj kev loj hlob tuaj. Tshooj 5–10 hais txog keeb kwm Nau-as. Tshooj 11–20 hais txog Anplaham thiab nws tsev neeg mus txog thaum lub sij hawm uas muaj Ixaj. Tshooj 21–35 hais txog Ixaj saib muaj li cas rau nws tsev neeg. Tshooj 36 qhia txog Exaus thiab nws tsev neeg. Tshooj 37–50 qhia txog Yakhauj tsev neeg thiab hais txog qhov uas Yauxej raug muab muag rau Iyiv teb chaws thiab nws ntiag tug hauj lwm pab cawm tsev neeg Ixayees.