Malakaus
Nyob hauv Phau Tshiab, Yauhas Malakaus yog Maivliag tus tub, uas nyob hauv Yeluxalees (Teh. 12:12); Tej zaum nws kuj yog Npananpas tus kwv tij (los yog tus tij laug tus tub) (Klx. 4:10). Nws nrog Povlauj thiab Npananpas tawm Yeluxalees mus ua tub txib thawj zaug thiab ncaim nkawd mus nyob ntawm Penkas (Teh. 12:25; 13:5, 13). Tom qab ntawd nws nrog Npananpas mus rau Xaipas (Teh. 15:37–39). Nws nrog Povlauj nyob hauv lub nroog Loos (Klx. 4:10; Flm. 1:24), thiab nws nrog Petus nyob hauv Npanpiloos (tej zaum yog nyob hauv Loos) (1 Pet. 5:13). Thaum kawg, nws nrog Timautes nyob hauv lub nroog Efexus (2 Tim. 4:11).
Malakaus txoj Moo Zoo
Phau ntawv ob nyob hauv Phau Tshiab. Tej zaum Petus yog tus coj Malakaus txoj kev sau txoj moo zoo no. Nws lub hom phiaj yog piav txog tus Tswv uas yog Vajtswv Leej Tub txoj kev ua neej thiab tej yam nws ua rau tib neeg. Malakaus sib zog thiab txo hwj chim piav txog qhov uas Yexus ua rau lwm tus txais tej kev tshoov siab li cas. Keeb kwm raws li neeg hais tias tom qab Petus tuag, Malakaus mus xyuas Iyiv teb chaws, txhim tsa lub Koom Txoos nyob hauv Alexadias, thiab tuag vim nws txoj kev ntseeg.
Yog xav kawm txog tej yam uas muaj los nyob hauv tus Cawm Seej lub neej uas piav txog nyob hauv Malakaus txoj Moo Zoo, saib Kev Sib Haum ntawm Plaub phau Txoj Moo Zoo nyob hauv cov ntawv ntxiv tom kawg.