Mexiyas

Ib lo lus uas zoo li lus Alame-us thiab lus Henplais uas lub ntsiab yog “tus uas tau pleev roj rau.” Nyob Phau Tshiab Yexus hu ua tus Khetos, uas yog lus Kilis uas txhais hais tias tus Mexiyas. Lo lus no txhais hais tias yog tus Yaj Saub, tus Pov Thawj, tus Vaj Ntxwv, thiab tus Cawm Dim uas tau pleev roj rau uas cov Neeg Yudais tos ntsoov los.

Cov neeg Yudais coob leej nrhiav ib tug neeg uas yuav tso lawv dim ntawm cov Neeg Loos txoj kev kav thiab ua rau lawv lub teb chaws vam meej nplua mias; yog li ntawd, thaum tus Mexiyas los, cov thawj coj thiab coob leej tsis lees yuav Nws. Tsuas yog cov neeg txo hwj chim thiab rau siab ntseeg thiaj muaj peev xwm pom tias Yexus ntawm Naxales yog tus Khetos tiag tiag (Yay. 53; Mat. 16:16; Yhs. 4:25–26).