Kaulauxais, Tsab Ntawv rau Neeg

Ib phau nyob hauv Phau Tshiab. Thaum xub thawj, phau no yog ib tsab ntawv uas tus Thwj Tim Povlauj sau mus rau cov Neeg Kaulauxais tom qab Epafas, uas yog tus yawg suab ntawm lub Koom Txoos hauv Kaulauxais, tuaj xyuas nws. (Klx. 1:7–8). Epafas qhia Povlauj tias cov Neeg Kaulauxais ua txhaum loj heev—lawv xav tias lawv zoo dua lwm cov neeg vim tias lawv ua tib zoo ua raws li tej kab ke ntawm sab nqaij daim tawv (Klx. 2:16), txwv tsis pub ua tej yam uas sab nqaij daim tawv xav tau, thiab teev tiam cov tim tswv (Klx. 2:18). Tej kev coj no ua rau cov Neeg Kaulauxais xav tias lawv hloov los ua neeg dawb huv. Lawv kuj xav tias lawv to taub tej yam uas neeg tsis paub txog ntawm lub ntuj zoo dua lwm cov mej zeej hauv lub Koom Txoos paub. Nyob hauv nws tsab ntawv, Povlauj qhia qhov yog rau lawv thaum nws hais tias kev txhiv dim tsuas yog los ntawm Khetos xwb thiab peb yuav tsum txawj ntse thiab ua hauj lwm rau Nws.

Tshooj 1 yog Povlauj cov lus txais tos cov neeg Kaulauxais. Tshooj 2–3 yog cov lus qhuab qhia thiab muaj tej lus hais tias Khetos yog tus Txhiv Dim, qhov plhom sij ntawm kev teev tiam yuam kev, thiab qhov uas Kev Sawv Rov Los tseem ceeb npaum li cas. Tshooj 4 qhia hais tias Haiv Neeg Ntseeg yuav tsum ua txhua yam raws li kev txawj ntse.