Siab Mos Siab Muag Kuj saib Siab Mob, lub; Siab Ntev, Kev Ua; Txo Hwj Chim Hwm Vajtswv, ncaj ncees, txo hwj chim, mloog lus, thiab ua siab ntev thaum raug txom nyem. Cov uas siab mos siab muag kawm ua raws li tej lus qhia ntawm txoj moo zoo. Mauxes siab mos siab muag, Tnp. 12:3. Cov siab mos siab muag yuav tau lub ntiaj teb ua lawv tug, Pnk. 37:11 (Mat. 5:5; 3 Nf. 12:5; Q&K 88:17). Nrhiav tus Tswv, nej cov siab mos siab muag; nrhiav kev ncaj ncees, nrhiav kev siab mos siab muag, Xef. 2:3 (1 Tim. 6:11). Kawm txog kuv vim kuv siab mos siab muag thiab txo siab txo ntsws, Mat. 11:29. Kev siab mos siab muag yog los ntawm tus Ntsuj Plig, Kal. 5:22–23. Tus Tswv tus tub qhe yuav tsum hlub txhua tus, muab siab rau qhia, ua siab ntev, nrog siab mos siab muag qhia cov uas tawm tsam, 2 Tim. 2:24–25. Ib tug neeg uas muaj siab mos siab muag thiab siab dawb siab zoo muaj nqis heev rau Vajtswv, 1 Pet. 3:4. Tso tus neeg ntawm sab cev nqaij daim tawv tseg thiab los ua ib tug neeg siab mos siab muag, Mxy. 3:19 (Amas 13:27–28). Vajtswv txib Hilamas qhia cov neeg kom muaj siab mos siab muag, Amas 37:33. Tus Tswv lub hwj chim yeej txaus rau cov neeg uas muaj siab mos siab muag, Ethaws 12:26. Nej muaj txoj kev ntseeg Khetos vim yog nej lub siab mos siab muag, Mln. 7:39. Tsis muaj ib tug uas Vajtswv txais yuav, tsuas yog cov neeg muaj siab mos siab muag thiab txo siab txo ntsws xwb, Mln. 7:44. Txoj kev zam txim rau tej kev txhaum coj tau txoj kev ua siab mos siab muag, thiab vim yog txoj kev ua siab mos siab muag txoj kev saib xyuas ntawm tus Vaj Ntsuj Plig Dawb Huv thiaj los tau, Mln. 8:26. Taug kev raws kuv tus Ntsuj Plig txoj kev siab mos siab muag, Q&K 19:23. Tswj koj tsev neeg nrog siab mos siab muag, Q&K 31:9. Tsim nyog siv lub hwj chim los yog hwj huam los ntawm lub pov thawj hwj tsuas yog los ntawm kev siab mos thiab siab muag, Q&K 121:41.