Joseph Smith Kev Txhais Lus (JST)

Ib txoj kev kho los yog kev txhais phau Npaivnpaum King James Version ua lus Akiv, uas tus Yaj Saub Joseph Smith pib thaum lub Rau Hlis Ntuj xyoo 1830. Vajtswv txib nws ua kev txhais lus ntawd thiab nws xav tias yog ib feem ntawm tej uas Vajtswv hu nws ua ib tug yaj saub.

Txawm yog Joseph ua kev txhais lus yuav luag tiav thaum lub Xya Hli Ntuj xyoo 1833, nws tseem kho kev txhais lus mus txog xyoo 1844 thaum nws tas sim neej thaum nws npaj cov ntawv kom luam tawm. Txawm yog nws muab tej yam los ntawm kev txhais lus luam tawm thaum nws tseem ua neej nyob, tej zaum nyaj nws yuav muab tej yam hloov ntxiv yog tias nws ua neej nyob mus txog thaum yuav muab tag nrho luam tawm. The Reorganized Church of Jesus Christ of Latter Day Saints (Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg uas Muab Kho Dua) muab thawj phau ntawm Joseph Smith txoj kev txhais lus los ntawm kev tshoov siab luam tawm thaum xyoo 1867. Lawv tau muab ob peb phau uas kho dua tshiab luam tawm txij thaum ntawd los.

Tus Yaj Saub kawm tau ntau yam thaum nws txhais lus. Nws tau txais ob peb tshooj hauv phau Lus Qhuab Qhia thiab Kev Khi Lus los twb vim yog nws txoj kev txhais lus (xws li Q&K 76; 77; 91; thiab 132). Tsis tas li ntawd, tus Tswv muab tej lus qhia txog kev txhais lus rau Joseph, uas tau muab sau rau hauv phau Lus Qhuab Qhia thiab Kev Khi Lus (Q&K 37:1; 45:60–61; 76:15–18; 90:13; 91; 94:10; 104:58; 124:89). Phau ntawv Mauxes thiab Joseph Smith—Mathais, uas nim no nyob hauv phau Lub Hlaws uas Muaj Nqis Heev, twb yog muab kiag los ntawm Joseph Smith Kev Txhais Lus

Joseph Smith Kev Txhais Lus tau txum txim tej yam meej thiab muaj nuj nqis heev uas tau ploj los ntawm phau Npaivnpaum mus rov qab los (1 Nf. 13). Txawm yog tsis yog phau Npaivnpaum uas raug cai ntawm lub Koom Txoos, kev txhais lus no qhia tej lus tswv yim uas muaj ceem thiab yog ib qho muaj nqis heev pab yus to taub phau Npaivnpaum. Kev txhais lus no kuj ua tim khawv txog qhov uas Vajtswv hu tus Yaj Saub Joseph Smith thiab txog nws txoj hauj lwm qhuab qhia.