Xalumoos Kuj saib Daviv; Npasenpas Nyob hauv Phau Qub, yog Daviv thiab Npasenpas ib tug tub. (2 Xam. 12:24). Muaj ib lub sij hawm uas Xalumoos yog Ixayees tus vaj ntxwv. Daviv tsa Xalumoos ua vaj ntxwv, 1 Vnt. 1:11–53. Daviv hais kom Xalumoos taug mus raws li tus Tswv tej kev, 1 Vnt. 2:1–9. Tus Tswv cog lus tias yuav muab kev nkag siab rau nws, 1 Vnt. 3:5–15. Txiav txim rau ob tug niam tsev thiab kawm tias tus twg yog tug me nyuam niam tiag tiag, 1 Vnt. 3:16–28. Hais paj lug thiab hu nkauj, 1 Vnt. 4:32. Tau ua lub tuam tsev, 1 Vnt. 6; 7:13–51. Muab lub tuam tsev fij tseg, 1 Vnt. 8. Tus poj vaj ntxwv Senpas tuaj xyuas nws, 1 Vnt. 10:1–13. Xalumoos yuav poj niam uas tsis yog neeg Ixayees, thiab nws cov poj niam tig nws lub siab teev tiam tej vaj tswv cuav, 1 Vnt. 11:1–8. Tus Tswv chim siab rau Xalumoos, 1 Vnt. 11:9–13. Tas sim neej, 1 Vnt. 11:43. Daviv qhia tej uas yuav muaj los yav tom ntej txog kev yeeb koob ntawm Xalumoos txoj kev kav, Pnk. 72. Xalumoos muaj ntau tus poj niam thiab tej niam yau, tiam sis ib txhia tsis yog tus Tswv txais lawv, Q&K 132:38 (Yakhauj 2:24).