Txiav Txim Kuj saib Rau Txim; Txiav Txim Kawg, Kev; Yexus Khetos—Tus txiav txim Ntsuas seb coj li cas raws li txoj moo zoo tej ntsiab cai; txiav txim siab; paub qhov zoo thiab qhov phem li cas. Mauxes zaum ntawm rooj txiav txim cov pej xeem, Khd. 18:13. Raws li kev ncaj ncees koj yuav txiav txim rau koj cov kwv tij zej zog, Lek. 19:15. Nej tsis txhob txiav txim, thiaj yuav tsis txiav txim rau nej, Mat. 7:1 (JST, Mat. 7:1–2; Luk. 6:37; 3 Nf. 14:1). Cov uas muaj txoj kev cai thiab ua txhaum los txoj kev cai yuav txiav txim rau lawv, Loos 2:12. Haiv Neeg Ntseeg yuav txiav txim rau neeg ntiaj teb, 1 Klt. 6:2–3. Neeg ntiaj teb tau txiav txim rau Vajtswv tus uas kav ib txhis Leej Tub, 1 Nf. 11:32. Tus Me Nyuam Yaj kaum ob tug thwj tim yuav txiav txim rau kaum ob xeem neeg Ixayees, 1 Nf. 12:9 (Q&K 29:12). Kev tuag, ntuj txiag teb tsaus, thiab tus dab phem, thiab txhua tus uas raug khi li ntawd yuav tsum raug txiav txim, 2 Nf. 28:23 (1 Nf. 15:33). Yog hais tias nej txiav txim rau tus neeg uas thov nej tej khoom, haj yam tsim nyog rau txim rau nej npaum li cas vim nej khuv xim nej tej khoom, Mxy. 4:22. Tib neeg yuav tsum raug txiav txim raws li tej yam lawv ua, Amas 41:3. Txiav txim ncaj ncees, thiab nej yuav muaj kev txim lij txum tim rov qab los rau koj dua, Amas 41:14. Neeg ntiaj teb yuav raug txiav txim los ntawm cov ntawv uas yuav muab sau cia, 3 Nf. 27:23–26 (Tsm. 20:12). Cov uas seem tshuav ntawm cov neeg no yuav raug txiav txim los ntawm kaum ob tug uas Yexus xaiv nyob hauv thaj av no, Mm. 3:18–20. Maumoos piav txog txoj kev txiav txim paub qhov zoo thiab qhov phem, Mln. 7:14–18. Cia li tso siab rau tus Ntsuj Plig uas coj mus txiav txim ncaj ncees, Q&K 11:12. Tsim nyog nej hais hauv nej lub siab tias—cia Vajtswv txiav txim rau ntawm kuv thiab koj, Q&K 64:11. Tus Tswv Koom Txoos yuav txiav txim rau tej haiv neeg, Q&K 64:37–38. Leej Tub tau mus xyuas cov ntsuj plig uas raug muab tso rau hauv tsev kaw kom lawv yuav raug txiav txim raws li thaum muaj cev nqaij daim tawv, Q&K 76:73 (1 Pet. 4:6). Ib tug npisov yuav ua ib tug txiav txim, Q&K 107:72–74. Tus Tswv, yuav txiav txim rau neeg sawv daws raws li tej yam lawv ua, raws li tej kev xav tau ntawm lawv lub siab, Q&K 137:9.