Mikhas
Ib tug yaj saub hauv Phau Qub. Nws yog ib tug uas los ntawm Muleses Nkas, nyob hauv lub teb chaws Yudas, thiab qhia tej uas yuav muaj los yav tom ntej thaum Hexekiyas yog tus vaj ntxwv (Mikhas 1:1–2).
Mikhas phau ntawv
Mikhas yog tib phau nyob hauv Phau Qub uas qhia tias Npelehees yog qhov chaw uas tus Mexiyas yuav yug los (Mikhas 5:2). Nyob hauv phau ntawv no tus Tswv ntuas Nws cov neeg thiab rov qab qhia txog Nws txoj kev ua siab zoo rau lawv; Nws kom lawv ua ncaj ncees, muaj kev hlub tshua thiab txo hwj chim (Mikhas 6:8).