Lav Lus thiab Kev Khi Lus ntawm lub Pov Thawj Hwj, Kev

Ib txoj kev lav lus yog qhov uas yus cog lus tias yus yuav ua raws nraim li tej uas yus cog lus tseg. Ib txoj kev khi lus yog ib txoj kev cog lus tseg los ntawm ob tug neeg. Cov uas txais lub Pov Thawj Hwj Aloos txais los ntawm kev khi lus xwb. Cov uas tuav lub Pov Thawj Hwj Mekhixedes txais lub pov thawj hwj los ntawm ib txoj kev lav lus uas tsis hais nrov thiab los ntawm kev khi lus. Thaum cov uas tuav lub pov thawj hwj rau siab ntseeg thiab mob siab ua tej uas Vajtswv hu lawv ua raws li Vajtswv hais, Nws foom koob hmoov rau lawv. Cov uas rau siab ntseeg mus txog thaum kawg thiab ua txhua yam uas Nws hais kom lawv ua yuav tau txais tag nrho tej uas Leej Txiv muaj (Q&K 84:33–39).