Helauj

Ib tsev neeg thawj coj hauv Yudais ze lub sij hawm Yexus Khetos nyob hauv ntiaj teb. Lawv yog ib co neeg tseem ceeb rau ntau yam uas muaj nyob hauv Phau Tshiab. Helauj tus Loj yog tus uas pib tsev neeg no, tus uas ntshai tus Cawm Seej txoj kev yug los (Mat. 2:3) thiab txib kom muab tag nrho cov me nyuam mos liab tua nyob hauv Npelehees. Nws cov tub yog Alitaunpulus; Helauj Filis (Mat. 14:3; Mak. 6:17); Helauj Atipas, tus nom (Mat. 14:1; Luk. 9:7; nws kuj hu ua Vaj Ntxwv Helauj, Mak. 6:14); Akhilaus (Mat. 2:22); thiab Filis, tus nom kav lub xeev Itule-as (Luk. 3:1). Helauj Akipas thib Ib (Teh. 12:1–23) thiab nws tus muam Helaudias (Mat. 14:3; Mak. 6:17) yog Alitaunpulus ob tug me nyuam. Helauj Akipas thib Ib muaj ob peb tug me nyuam uas kuj hais txog nyob hauv Phau Tshiab, xws li Helauj Akipas thib Ob (Teh. 25:13), Npelanikes (Teh. 25:13), thiab Deluxilas, uas yog Felis tus poj niam (Teh. 24:24).