Mauxiyas, Npeyamis tus Tub
Cov Neeg Nifais ib tug vaj ntxwv thiab yaj saub ncaj ncees nyob hauv Phau Ntawv Maumoos. Mauxiyas ua raws li nws txiv tus yam ntxwv ncaj ncees (Mxy. 6:4–7). Nws txhais nees nkaum plaub daig phiaj kub uas muaj cov neeg Yales cov ceev xwm txheej (Mxy. 28:17).
Mauxiyas phau ntawv
Ib phau ntawv nyob hauv Phau Ntawv Maumoos. Tshooj 1–6 muaj Vaj Ntxwv Npeyamis zaj lus cob qhia uas muaj hwj chim rau nws cov neeg. Tus Tswv tus Ntsuj Plig tshoov lawv lub siab thiab cov neeg hloov siab los ntseeg thiab tsis xav ua kev phem ntxiv. Tshooj 7–8 qhia txog ib pawg Neeg Nifais uas tau mus ua neej nyob hauv cov Neeg Lamas lub teb chaws. Tau txib ib pawg mus nrhiav lawv. Amoos, tus thawj coj ntawm pawg nrhiav, nrhiav tau lawv thiab kawm txog lawv tej kev raug txom nyem los ntawm cov Neeg Lamas txoj kev tsim txom. Tshooj 9–24 piav txog txoj kev tsim txom ntawd thiab qhov uas lawv cov thawj coj—Xeenas, Nau-as, thiab Leehais—ua neej li cas hauv cov Neeg Lamas txoj kev kav. Kuj ceev xwm txheej txog txoj kev muab tus yaj saub hu ua Anpinadais tua vim txoj kev ntseeg. Amas hloov siab los ntseeg nyob ntawm Anpinadais lub rooj hais plaub. Tshooj 25–28 hais dab neeg txog qhov uas Amas tus tub thiab Vaj Ntxwv Mauxiyas plaub tug tub hloov siab los ntseeg. Nyob hauv tshooj 29 Vaj Ntxwv Mauxiyas pom zoo rau ib tug txheej txheem tsa cov tub txiav txim los pauv cov vaj ntxwv. Amas uas yog Amas tus tub yog thawj tug uas lawv xaiv los ua tus thawj txiav txim.