Maulaunais, Maumoos tus Tub

Cov Neeg Nifais tus yaj saub kawg nyob hauv Phau Ntawv Maumoos (kwv yees xyoo 421 tom qab Yexus yug los). Ua ntej Maumoos tuag, nws muab ib co ceev xwm txheej keeb kwm hu ua Maumoos cov phiaj rau nws tus tub Maulaunais (Mm Lus 1:1). Maulaunais ua txoj hauj lwm muab cov phiaj Maumoos coj los sau ua ke tiav. Nws muab tshooj 8 thiab 9 sau ntxiv rau Maumoos phau ntawv (Mm. 8:1). Nws muab Ethaws phau ntawv txiav kom luv thiab muab tso rau hauv (Ethaws 1:1–2) thiab muab nws phau ntawv hu ua Maulaunais phau ntawv ntxiv rau haud. (Mln. 1). Maulaunais muab cov phiaj foob thiab zais rau hauv lub roob Khumaulas (Mm. 8:14; Mln. 10:2). Thaum xyoo 1823, tus Tswv txib Maulaunais, uas yog ib tug neeg sawv rov los, los muab Phau Ntawv Maumoos ua tshwm sim rau Joseph Smith (Q&K 27:5; JS—K 1:30–42, 45). Nws qhia tus yaj saub hluas txhua txhua xyoo txij thaum xyoo 1823 mus txog 1827 (JS—K 1:54) thiab thaum kawg muab cov phiaj rau nws thaum xyoo 1827 (JS—K 1:59). Tom qab Joseph Smith txhais lus tag nws rov qab muab cov phiaj rau Maulaunais.