Eli-as
Muaj ntau txoj kev siv lub npe los sis lub koob npe Eli-as hauv cov vaj lug kub:
Eliyas
Eli-as yog lub npe hauv Phau Tshiab (lus Kilis) rau Eliyas (Henplais), zoo li nyob hauv Mathais 17:3–4, Lukas 4:25–26, thiab Yakaunpaus 5:17. Nyob hauv tej nqe no, Eli-as kuj yog tus yaj saub thaum ub hu ua Eliyas uas twb sau tseg txog nws txoj hauj lwm qhuab qhia tib neeg hauv phau 1 thiab 2 Vaj Ntxwv.
Tus ua ntej
Eli-as kuj yog lub koob npe uas piav txog ib tug uas yog tus ua ntej. Piv xam hais tias, Yauhas tus uas Muab Neeg Ua Kev Cai Raus Dej yog ib tug Eli-as vim tus Tswv txib nws los npaj kev tos Yexus (Mat. 17:12–13).
Tus uas muab txum tim rov qab los
Lub koob npe Eli-as no twb muab siv rau lwm tus neeg uas muaj tej ntiag tug hauj lwm tseem ceeb uas lawv yuav tsum ua, zoo li Yauhas tus uas Txais Kev Tshwm Sim (Q&K 77:14) thiab Khali-ees (Luk. 1:11–20; Q&K 27:6–7; 110:12).
Ib tug txiv neej hauv Anplaham lub caij nyoog tso txoj cai
Ib tug yaj saub uas hu ua Exayas los sis Eli-as uas tau nyob tib lub caij uas Anplaham nyob (Q&K 84:11–13; 110:12).