Thawj Zaug Ua Yog Toog Pom

Qhov uas Vajtswv Leej Txiv thiab Nws Leej Tub Yexus Khetos tshwm sim rau tus Yaj Saub Joseph Smith pom hauv ib koog ntoo.

Thaum lub caij nplooj ntoos hlav thaum xyoo 1820, Joseph Smith tus Hluas tab tom yuav nto kaum tsib xyoos. Nws ua neej nyob nrog nws tsev neeg hauv lub pawg zos Palmyra, lub xeev New York. Nyob tsis deb ntawm nws tsev neeg lub tsev mus sab hnub poob yog ib koog ntoo loj tsawv. Joseph mus rau hauv koog ntoo no mus thov Vajtswv saib lub koom txoos twg thiaj yog. Thaum nws nyeem phau Npaivnpaum nws txais kev tshoov siab hais tias nws yuav tsum nrhiav tej lus teb no los ntawm Vajtswv. (Yak. 1:5–6). Leej Txiv thiab Leej Tub nkawd tshwm sim los rau nws pom thiab teb nws cov lus thov hais tias kom nws tsis txhob koom ib lub koom txoos twg ntawm cov uas muaj nyob hauv lub ntiaj teb thaum ntawd, vim tag nrho cov koom txoos ntawd tsis yog (JS—K 1:15–20). Txoj kev tshwm sim uas dawb ceev no yog qhov pib ntawm ntau yam uas thaum kawg txum tim tau txoj moo zoo thiab Khetos lub Koom Txoos uas muaj tseeb rov qab los.