Raug Tuag Vim txoj Kev Ntseeg Ib tug neeg uas txo nws txoj sia vim nws tsis kam tso Khetos, txoj moo zoo, los sis nws txoj kev ntseeg thiab tej ntsiab cai ncaj ncees tseg. Tag nrho cov ntshav ncaj ncees txij thaum Anpees mus txog Xakhaliyas yuav ua tim khawv nkaug cov neeg phem, Mat. 23:35 (Luk. 11:50). Tus uas tso nws txoj sia tseg rau Khetos thiab txoj moo zoo yuav cawm nws txoj sia, Mak. 8:35 (Q&K 98:13). Ces lawv xuas pob zeb ntaus Xatefanaus, Teh. 7:59 (Teh. 22:20). Qhov twg muaj kev ua tim khawv ces yuav tsum muaj kev tuag ntawm tus uas ua tim khawv ntawd, Hen. 9:16–17. Anpinadais vau hlo, vim nws raug hluav taws hlawv kom tuag, Mxy. 17:20. Cov neeg uas hloov siab los ntseeg nyob hauv lub nroog Amoonaihas raug muab pov rau hauv hluav taws, Amas 14:8–11. Ntau tus raug tua vim lawv ua tim khawv txog tej yam no, 3 Nf. 10:15. Leej twg muab nws txoj sia pub rau kuv lub hom phiaj nrhiav tau txoj sia nyob mus ib txhis, Q&K 98:13–14. Joseph Smith thiab Hyrum Smith yog ob tug ntseeg uas raug tua kom muab txoj moo zoo txum tim rov qab los, Q&K 135. Joseph Smith muab nws cov ntshav los ntaus cim rau nws cov lus tim khawv, Q&K 136:39.