Yawg Suab tej Koob Hmoov

Tej koob hmoov muab rau lub Koom Txoos cov mej zeej tsim nyog los ntawm cov yawg suab uas muab tsa los ua hauj lwm. Tus yawg suab txoj koob hmoov muaj tus Tswv cov lus ntuas rau tus neeg uas yuav txais txoj koob hmoov thiab qhia tias tus neeg ntawd caj ceg nyob hauv tsev neeg Ixayees los ntawm qhov twg. Cov txiv foom tau tej koob hmoov tshwj xeeb vim lawv yog cov yawg suab ntawm lawv tsev neeg, tiam sis lub Koom Txoos tsis sau los sis tso tej koob hmoov li no cia.