Quab Kuj saib Thwj Tim Ib qho khoom muab khuam rau tej tsiaj txhu los sis tib neeg tej caj dab kom pav lawv ua ke. Khetos tus quab yog ib lub cim uas piv rau kev coj raws li Nws, tiam sis tus quab ntawm kev ua qhev yog ib lub cim uas piv rau kev tsim txom. Kuv tus quab kwv yooj yim, thiab kuv lub nra tsis hnyav, Mat. 11:29–30. Nej tsis txhob mus nrog cov uas tsis ntseeg koom kwv ib tug quab rau qhov nej yeej kwv tsis tau ua ke, 2 Klt. 6:14. Tsum tsis txhob rov qab raug tus quab ntawm kev ua qhev, Kal. 5:1. Thiab peb kuj tsis xav coj ib tug twg mus rau kev quab ntawm kev ua qhev, Amas 44:2. Haiv Neeg Ntseeg tej kev raug txom nyem yog ib tug quab hlau, ib txoj hlua khov, thiab cov saw hlau ntawm ntuj txiag teb tsaus, Q&K 123:1–3, 7–8.