Mauxes

Ib tug yaj saub hauv Phau Qub uas coj cov neeg Ixayees tawm hauv Iyiv txoj kev ua qhev mus thiab muab kev cai txog kev ntseeg ntuj, lub sawm fem thiab kev noj qab haus huv rau lawv raws li Vajtswv tau muab tshwm sim.

Mauxes ua nws txoj hauj lwm qhuab qhia tas nws lub neej hauv ntiaj teb no. Joseph Smith qhia hais tias nrog rau Eliyas nws los rau lub Roob Hloov Hlo thiab muab cov yawm sij ntawm lub pov thawj hwj rau Petus, Yakaunpaus, thiab Yauhas (Mat. 17:3–4; Mak. 9:4–9; Luk. 9:30; Q&K 63:21).

Mauxes tshwm sim los rau Joseph Smith thiab Oliver Cowdery thaum lub Plaub Hlis Ntuj hnub tim 3, xyoo 1836, nyob hauv lub tuam tsev hauv Kirtland, Ohio, thiab muab cov yawm sij ntawm txoj kev muab Ixayees sau los ua ke rau nkawd (Q&K 110:11).

Kev tshwm sim hauv hnub nyoog kawg hais ntau txog Mauxes. Hais txog nws ntau nyob hauv Phau Ntawv Maumoos, thiab los ntawm phau Lus Qhuab Qhia thiab Kev Khi Lus peb kawm txog nws txoj hauj lwm qhuab qhia (Q&K 84:20–26) thiab txog qhov uas nws txais lub pov thawj hwj los ntawm nws yawm txiv Yethoos (Q&K 84:6).

Hnub nyoog kawg kev tshwm sim kuj qhia tias zaj lus txog nws txoj hauj lwm qhuab qhia rau cov neeg Ixayees hauv phau Npaivnpaum muaj tseeb thiab rov qab qhia tias nws yog tus uas sau thawj tsib phau nyob hauv Phau Qub tiag (1 Nf. 5:11; Mauxes 1:40–41).

Falaus tus ntxhais cawm nws txoj sia, Khd. 2:1–10.
Khiav mus rau Midias, Khd. 2:11–22.
Tus Tswv ib tug tim tswv tshwm sim rau nws hauv ib tsob ntoo uas kub hluav taws, Khd. 3:1–15.
Tshaj tawm txog tej kev phem uas yuav los rau cov Neeg Iyiv, Khd. 7–11.
Tus Tswv txhim tsa txoj Kev Cai Hla Dhau, Khd. 12:1–30.
Coj cov neeg Ixayees hla Hiav Txwv Liab, Khd. 14:5–31.
Tus Tswv xa cov manas nyob hauv roob moj sab qhua, Khd. 16.
Ntaus lub pob zeb nyob ntawm Haulenpes thiab dej tawm hauv los, Khd. 17:1–7.
Aloos thiab Hules tuav nws ob txhais npab kom Yausuas kov yeej tau Amalej, Khd. 17:8–16.
Yethoos ntuas nws, Khd. 18:13–26.
Muab cov neeg npaj rau tus Tswv txoj kev tshwm sim saum lub roob Xinais, Khd. 19.
Tus Tswv muab Kaum Nqe Lus Txib tshwm sim rau nws, Khd. 20:1–17.
Nws thiab xya caum tus txwj laug pom Vajtswv, Khd. 24:9–11.
Muab ob daim txiag zeb lus tim khawv tawg ntsoog thiab muab tus mlom nyuj kub puas tsuaj, Khd. 32:19–20.
Sib tham nrog Vajtswv tim ntsej tim muag, Khd. 33:9–11.

Mauxes phau ntawv

Ib phau nyob hauv phau Lub Hlaws uas Muaj Nqis Heev uas muaj Joseph Smith txoj kev txhais thawj xya tshooj ntawm phau Chiv Keeb uas nws txais los ntawm kev tshoov siab.

Tshooj 1 hais txog ib txoj kev ua yog toog txog qhov uas Mauxes pom Vajtswv, tus uas muab tag nrho txoj hau kev cawm seej tshwm sim rau nws. Tshooj 2–5 yog ib zaj txog txoj Kev Tsim thiab txoj Kev Poob ntawm tib neeg. Tshooj 6–7 hais txog ib txoj kev ua yog toog txog Enauj thiab nws txoj hauj lwm qhuab qhia hauv lub ntiaj teb. Tshooj 8 muaj ib txoj kev ua yog toog txog Nau-as thiab Dej Nyab Loj.

Mauxes tsib phau ntawv

Thawj tsib phau ntawv nyob hauv Phau Qub hu ua Mauxes tej phau ntawv. Cov phiaj toog uas Nifais muab los ntawm Lanpas muaj Mauxes tej phau ntawv (1 Nf. 5:11).