Hnub Caiv

Ib hnub dawb huv uas tau muab tshwj tseg rau kev so thiab kev teev tiam Vajtswv. Tom qab Vajtswv tsim txhua yam, Nws so thaum hnub xya thiab txib kom muaj ib hnub txhua lub lim tiam los ua ib hnub so kom pab Nws cov neeg nco ntsoov nws (Khd. 20:8–11).

Ua ntej Khetos txoj Kev Sawv Rov Los, cov mej zeej ntawm lub Koom Txoos saib hnub kawg ntawm lub lim tiam yog Hnub Caiv, ib yam cov Neeg Yudais. Tom qab txoj Kev Sawv Rov Los, cov mej zeej ntawm lub Koom Txoos, tsis hais cov Neeg Yudais los sis Lwm Haiv Neeg, lawv saib thawj hnub ntawm lub lim tiam (tus Tswv hnub) yog hnub nco txog tus Tswv txoj Kev Sawv Rov Los. Niaj hnub no lub Koom Txoos tseem saib ib hnub txhua lub lim tiam yog hnub caiv dawb huv uas yuav teev tiam Vajtswv thiab so tsis ua tes dej num ntawm lub ntiaj teb.

Hnub Caiv ua rau tib neeg nco txog qhov uas lawv yuav tsum muaj kev pab ntawm sab ntsuj plig thiab nco qab mloog Vajtswv lus. Thaum ib haiv neeg tsis ceev faj hwm Hnub Caiv, ces ua rau txhua yam hauv lawv lub neej txawv thiab lawv lub neej teev ntuj yuav ploj mus (Neh. 13:15–18; Yel. 17:21–27).