Lees

Nyob hauv vaj lug kub lo lus lees muaj ob lub ntsiab. Ib lub ntsiab ntawm kev lees yog kev qhia txog qhov uas yus ntseeg, xws li yus lees hais tias Yexus yog tus Khetos (Mat. 10:32; Loos 10:9; 1 Yhs. 4:1–3; Q&K 88:104).

Lwm lub ntsiab ntawm kev lees yog lees hais tias yus muaj kev txhaum, xws li thaum ib tug neeg lees hais tias nws ua txhaum. Yeej yog txhua tus neeg tej dej num los lees tag nrho nws tej kev txhaum rau tus Tswv kom txais tau Nws txoj kev zam txim (Q&K 58:42–43). Yog hais tias tsim nyog, yuav tsum lees yus tej kev txhaum rau tus neeg los sis cov neeg uas yus ua txhaum rau. Yog kev txhaum loj lawm yuav tsum lees rau ib tug thawj coj hauv lub Koom Txoos (feem ntau yog tus npisov).