Maumoos, Neeg Nifais tus Yaj Saub
Cov Neeg Nifais tus yaj saub, tus thawj tub rog, thiab tus ceev xwm txheej nyob hauv Phau Ntawv Maumoos. Maumoos ua neej nyob kwv yees thaum tom qab Yexus yug los (Mm. 1:2, 6; 6:5–6; 8:2–3). Nws yog ib tug thawj coj hauv pawg tub rog feem ntau thaum nws ua neej nyob, pib thaum nws muaj kaum tsib xyoos (Mm. 2:1–2; 3:8–12; 5:1; 8:2–3). Amaloos qhia Maumoos kom npaj nws tus kheej los saib xyuas cov ceev xwm txheej thiab kev sau cov ceev xwm txheej (Mm. 1:2–5; 2:17–18). Tom qab nws sau txog keeb kwm ntawm nws lub neej, Maumoos muab Nifais cov phiaj loj sau ua kom luv rau ntawm Maumoos cov phiaj. Tom qab ntawd nws muab cov ceev xwm txheej dawb ceev no rau nws tus tub Maulaunais. Cov phiaj no yog ib feem ntawm cov ceev xwm txheej uas Joseph Smith muab txhais uas yog Phau Ntawv Maumoos.
Maumoos cov Lus
Ib phau ntawv me nyob hauv Phau Ntawv Maumoos. Tom qab Amalej cov lus kawg nyob hauv Oonis phau ntawv thiab ua ntej thawj tej lus nyob hauv Mauxiyas phau ntawv, Maumoos, tus kho ntawv ntawm tag nrho cov ceev xwm txheej, tau ntxiv lus me ntsis no. (Saib “Zaj Lus Piav Me Ntsis txog Phau Ntawv Maumoos,” nyob hauv Phau Ntawv Maumoos.)
Phau ntawv Maumoos
Ib phau ntawv nyob hauv phau vaj lug kub hu ua Phau Ntawv Maumoos. Tshooj 1–2 hais txog Amaloos, cov Neeg Nifais ib tug yaj saub, qhia Maumoos kom nws mus nrhiav cov phiaj thaum twg thiab nyob rau qhov twg. Thiab, pib muaj kev tsov rog loj, thiab tau muab Peb tug Neeg Nifais tshem mus vim cov neeg txoj kev ua phem. Tshooj 3–4 hais txog Maumoos txoj kev qhia cov neeg kom lawv hloov siab lees txim, tiam sis lawv lub siab tsis xeev li, thiab muaj kev phem loj dua li qub kav neeg lub siab nyob hauv Ixayees. Tshooj 5–6 ceev xwm txheej txog tej npluav rog kawg ntawm cov Neeg Nifais thiab cov Neeg Lamas. Maumoos raug tua tuag nrog rau haiv neeg Nifais feem coob. Nyob hauv tshooj 7, ua ntej nws tuag, Maumoos hu kom cov neeg—nyob thaum ntawd thiab thaum yav tom ntej—kom hloov siab lees txim. Tshooj 8–9 ceev xwm txheej hais tias tshuav Maumoos tus tub, Maulaunais, ib leeg xwb. Nws ceev xwm txheej txog tej kev tuag thiab ntshav nrog thaum kawg, nrog rau cov Neeg Nifais txoj kev tu noob, thiab sau ib zaj lus rau tiam neeg yav tom ntej thiab cov uas nyeem cov ceev xwm txheej no.