Ethaws

Ib phau ntawv hauv Phau Ntawv Maumoos uas muaj ib feem ntawm cov neeg Yales phau ceev xwm txheej. Cov neeg Yales yog ib pawg neeg uas nyob ntawm sab ntuj tim sab hnub poob ntau pua xyoo ua ntej cov neeg Lihais tuaj. Ethaws phau ntawv tau muab ntawm nees nkaum plaub daig phiaj los uas Leehais cov neeg nrhiav tau (Mxy. 8:8–9).

Tshooj 1–2 piav tias cov neeg Yales khiav ntawm lawv lub tsev mus thaum lub caij uas tib neeg ua ib tug Pej Thuam Npanpees thiab taug kev mus rau qhov chaw uas niaj hnub no hu ua sab ntuj Amelikas. Tshooj 3–6 piav tias Yales tus tij laug pom tus Cawm Seej ua ntej nws yug los nyob hauv ntiaj teb no thiab cov neeg Yales caij yim lub nkoj. Tshooj 7–11 piav ntxiv txog tej kev phem kev qias hauv cov neeg Yales zaj keeb kwm feem ntau. Maulaunais, uas kho ntawv rau Ethaws phau ceev xwm txheej, sau hauv tshooj 12–13 txog tej txuj ci uas xav tsis thoob uas lawv ua vim muaj kev ntseeg thiab txog Yexus Khetos thiab Yeluxalees Tshiab uas tseem yuav los. Tshooj 14–15 piav tias cov neeg Yales ua li cas thiaj hloov los ua ib haiv neeg loj heev tiam sis raug kev puas tsuaj thaum cov pej xeem sib tawm tsam vim lawv ua phem ua qias.