Hloov siab thiab hloov yus tej kev xav kom yus muaj ib txoj kev xav tshiab txog Vajtswv, txog yus tus kheej, thiab txog lub neej tag nrho. Kev hloov siab lees txim muaj lub ntsiab hais tias kom tus neeg ntawd tig ntawm kev phem mus thiab tig nws lub siab xav thiab nws lub siab nyiam mus rau Vajtswv, ua raws li Vajtswv cov lus txib thiab tej kev xav thiab tso kev txhaum tseg. Kev hloov siab lees txim tiag tiag yog los ntawm txoj kev hlub rau Vajtswv thiab muaj lub siab xav ua raws li Nws cov lus txib tiag tiag. Txhua tus neeg uas paub tab lawm yeej tau ua txhaum thiab yuav tsum hloov siab lees txim thiaj yuav loj hlob tau mus rau txoj kev cawm seej. Tsuas yog los ntawm Yexus Khetos txoj Kev Theej Txhoj xwb peb txoj kev hloov siab lees txim thiaj li muaj nuj nqis thiab Vajtswv thiaj li kam txais.