Npa-as

Ib tug tswv ntuj ntawm lub hnub uas yog txiv neej uas feem ntau lawv teev tiam nyob hauv Foonixias (1 Vnt. 16:31) tiam sis lwm haiv neeg kuj teev tiam nws txawv nyob hauv lwm qhov chaw: cov Neeg Mau-am teev tiam Npa-ape-aus (Tnp. 25:1–3), nyob ntawm Sekhees yog Npa-as-npelis (Ctt. 8:33; 9:4), thiab nyob ntawm Ekiloos yog Npa-axenpus (2 Vnt. 1:2). Tej zaum Npa-as yog Npeles ntawm Npanpiloos thiab Xe-us ntawm Kilis. Lo lus Npa-as qhia txog qhov uas ib tug tswv thiab nws tus tub qhe sib raug zoo li cas. Lub cim rau Npa-as uas pheej siv yog ib tug txiv nyuj. Atates yog tus tswv ntuj uas yog poj niam uas neeg pheej teev tiam nrog rau Npa-as.

Tej lub sij hawm tau muab Npa-as thiab lwm lub npe los yog lwm lo lus tso ua ke kom qhia hais tias muaj kev sib txuas nrog Npa-as, xws li ib qhov chaw uas lawv teev tiam nws los yog ib tug neeg uas muaj tej cwj pwm ib yam li Npa-as muaj. Tom qab ntawd, vim lo lus Npa-as hloov los muaj lub ntsiab phem heev, tau siv lo lus Npauses pauv tej lub npe uas tau tso ua ke ntawd. Npauses txhais hais tias “txaj muag.”