Yauxej, Yakhauj tus Tub

Nyob hauv Phau Qub, Yakhauj thiab Laxees tus tub hlob (Chk. 30:22–24; 37:3).

Yauxej tau txoj cai ua tus hlob nyob hauv Ixayees vim Lunpees, Yakhauj thawj tus poj niam tus tub hlob, poob lub cib fim ntawd los ntawm nws txoj kev ua txhaum (1 Xvn. 5:1–2). Vim tias nws tsim nyog, Yauxej, uas yog tus tub hlob ntawm Yakhauj tus poj niam thib ob, yog tus thib ob uas yuav txais txoj koob hmoov ntawd. Yauxej kuj txais ib txoj koob hmoov los ntawm nws txiv tsis ntev ua ntej Yakhauj tas sim neej (Chk. 49:22–26).

Yauxej yog ib tug neeg uas coj yam ntxwv zoo kawg, ib tug neeg “muaj tswv yim thiab kev txawj ntse” (Chk. 41:39). Qhov uas nws xyeej Pautifas tus poj niam yog kev coj yam ntxwv txog kev ntseeg, kev coj dawb huv, thiab kev coj zoo ntawm yus tus kheej (Chk. 39:7–12). Nyob hauv Iyiv, thaum Yauxej qhia nws yog leej twg tiag tiag rau nws cov kwv tij, nws ua lawv tsaug xwb nws tsis liam lawv vim lawv ua li cas rau nws. Nws ntseeg tias tej yam lawv ua tau pab kom muaj raws li Vajtswv lub siab nyiam (Chk. 45:4–15).

Kev tshwm sim nyob hauv hnub nyoog kawg qhia txog Yauxej tsev neeg ntiag tug hauj lwm uas loj zog thaum lub caij yoog kawg (JST, Chk. 50:24–38 [Cov Ntawv Ntxiv Tom Kawg]; 2 Nf. 3:3–24; 3 Nf. 20:25–27).