Yausuas
Ib tug yaj saub thiab thawj coj hauv Phau Qub, thiab tus uas hloov Mauxes chaw. Nws yug los nyob hauv Iyiv ua ntej cov neeg Ixayees khiav dim (Tnp. 14:26–31). Nws thiab Kalej nkawd yog ob tug ntawm kaum ob tug nyiag saib uas tau xa mus rau Kana-as. Nkawd ob leeg xwb thiaj qhia tau tej yam zoo txog thaj av (Tnp. 13:8, 16–33; 14:1–10). Nws tuag thaum muaj 110 xyoo (Yas. 24:29). Yausuas yog ib tug yam ntxwv zoo heev txog ib tug yaj saub thiab tub rog uas muaj siab ntseeg.
Yausuas phau ntawv
Tau tis npe rau phau ntawv no raws li Yausuas vim nws yog tus neeg tseem ceeb hauv phau ntawd thiab tsis yog vim nws yog tus sau. Tshooj 1–12 piav txog txoj kev kov yeej Kana-as; tshooj 13–24 qhia txog tej xeem neeg Ixayees txoj kev muab thaj av faib thiab txog Yausuas txoj lus ntuas kawg.
Ob nqe tseem ceeb hauv Yausuas phau ntawv yog tus Tswv tej lus txib kom nws xav txog cov vaj lug kub (Yas. 1:8) thiab Yausuas txoj kev thov kom cov neeg rau siab ntseeg tus Tswv (Yas. 24:15).