Lub hom phiaj ntawm kev txaus siab yoo mov los yog yoo dej twb yog kom txav mus nyob ze tus Tswv thiab kom thov tau Nws tej koob hmoov. Thaum ib tug neeg thiab ib pawg neeg yoo mov, kuj tsim nyog rau lawv thov Vajtswv thiab kom to taub Vajtswv lub siab xav thiab kom ntxiv zog rau lawv sab ntsuj plig. Cov ntseeg tiag tiag yeej ib txwm ua kev cai yoo mov.
Niaj hnub nim no hauv lub Koom Txoos, tau tshwj tseg ib Hnub Caiv ntawm txhua txhua lub hlis rau kev cai yoo mov. Nyob rau thaum lub sij hawm no, cov mej zeej ntawm lub Koom Txoos yoo mov thiab yoo dej ib tsam. Ces lawv muab cov nqi noj nqi haus ntawm ob peb pluas mov no rau lub Koom Txoos. Cov nyiaj no yog hu ua nyiaj yoo mov. Lub Koom Txoos siv cov nyiaj yoo mov no mus pab cov pluag thiab cov txom nyem.