Yudas, Yexus tus Kwv

Phau no yog ib tsab ntawv uas Yudas sau rau tej Haiv Neeg Ntseeg uas lawv txoj kev ntseeg tab tom tsis muaj zog. Cov uas ua rau lawv tsis muaj zog yog ib co neeg nyob nrog lawv uas qhia hais tias lawv yog Neeg Ntseeg Khetos tiam sis lawv ua kev tsis coj dawb huv teev mlom thiab hais tias lawv tsis tas ua raws li txoj kev cai coj ncaj ncees. Yudas xav kom Haiv Neeg Ntseeg paub txog lawv tej kev plhom sij ntawm sab ntsuj plig thiab yaum kom lawv rau siab ntseeg tas mus li.

Tej nqe tseem ceeb nyob hauv Yudas yog nqe 6, uas hais txog kev ua rog nyob saum ntuj ceeb tsheej thiab txoj kev muab Luxifaws thiab nws cov tim tswv tawm ntawm lub neej ua ntej yug los (Anpl. 3:26–28), thiab nqe 14–15, uas hais txog ib qho uas Enauj qhia txog tej uas yuav muaj los yav tom ntej.