Neeg Nifais Peb tug Thwj Tim

Peb tug ntawm cov Neeg Nifais cov thwj tim uas Khetos xaiv uas hais txog nyob hauv Phau Ntawv Maumoos.

Tus Tswv cia peb tug thwj tim no txais tib txoj koob hmoov uas tau foom rau Yauhas tus uas Yexus Hlub—kom lawv yuav nyob hauv lub ntiaj teb coj neeg los cuag Khetos mus txog thaum tus Tswv rov qab los dua. Lawv plhis kom lawv yuav tsis raug mob thiab yuav tsis tuag. (3 Nf. 28).

Khetos cia kom muaj raws li peb tus thwj tim xav nyob mus txog thaum nws los, 3 Nf. 28:1–9.
Lawv yeej yuav tsis raug kev mob ntawm txoj kev tuag los sis kev nyuaj siab, 3 Nf. 28:7–9.
Lawv yuav muaj txoj kev xyiv fab puv nkaus, 3 Nf. 28:10.
Lawv raug coj mus saum ntuj tau ib chim, 3 Nf. 28:13–17.
Lawv txhawb pab tib neeg thiab tiv tau kev tsim txom, 3 Nf. 28:18–23.
Lawv txhawb pab Maumoos, 3 Nf. 28:24–26 (Mm. 8:10–11).
Lawv yuav txhawb pab Lwm Haiv Neeg, Neeg Yudais, tej xeem neeg uas raug tawg khiav ri niab, thiab txhua haiv neeg, 3 Nf. 28:27–29.
Dab Ntxwg Nyoog tsis muaj hwj chim kav lawv, 3 Nf. 28:39.