Kalatias, Tsab Ntawv rau Neeg

Ib phau nyob hauv Phau Tshiab. Ib txwm yog ib tsab ntawv uas tus Thwj Tim Povlauj sau ntawv mus rau Haiv Neeg Ntseeg nyob thoob plaws Kalatias. Lub ntsiab ntawm tsab ntawv no hais tias txoj kev ywj pheej tseeb tseeb tsuas yog nrhiav tau thaum ua neej raws li Yexus Khetos txoj moo zoo nkaus xwb. Yog tias Haiv Neeg Ntseeg muab cov lus qhia ntawm cov Neeg Yudais uas Ntseeg Khetos thiab hais tias neeg yuav tsum ua raws li raws li txoj kev cai Mauxes, Haiv Neeg Ntseeg yuav muab txoj kev ywj pheej uas lawv nrhiav tau lawm los ntawm Khetos txiav los yog ua kom puas tsuaj mus. Hauv tsab ntawv no, Povlauj qhia txog qhov uas nws yog ib tug Thwj Tim, piav txog txoj lus qhuab qhia hais txog kev ncaj ncees los ntawm kev ntseeg, thiab pom zoo rau qhov uas ib txoj kev ntseeg uas txhawb nqa sab ntsuj plig yog ib qho muaj nqis heev.

Hauv tshooj 1 thiab 2, Povlauj hais tias nws tu siab txog cov lus xov uas nws tau txais uas hais tias cov neeg Kalatias ib txhia tau tso qhov tseeb tseg thiab nws piav meej meej hais txog nws txoj hauj lwm ua ib tug Thwj Tim. Tshooj 3 thiab 4 hais txog tej lus qhuab qhia ntawm kev ntseeg thiab kev ua hauj lwm. Tshooj 5 thiab 6 qhia ib zaj lus hais txog qhov zoo uas muaj los vim yog txoj lus qhuab qhia ntawm kev ntseeg.